الأحد , 21 أكتوبر 2018
الرئيسية / خد بالك / 10 مشاكل تواجه فرامل سيارتك

10 مشاكل تواجه فرامل سيارتك

بعض المشاكل اللى ممكن تواجهها مع الفرامل.
1 – أن تيل الفرامل يتاكل 
طب اعرف ازاى أن التيل أتاكل. 
هنلاحظ و أحنا بندوس على الفرامل انها مش بتستجيب بسرعة و لازم ندوس على أخر الدواسة عشان تمسك 
و الحل ان التيل يتغير
2 – أن الماستر العمومى بيسرب زيت 
طب اعرف ازاى و الحل اية ؟
برضة هتلاقى الفرامل مش اوى معاك 
و بتروح تنزل تبص على الزيت فى القربة هتلاقيها ناقصة اوى و هتلاقى أن الزيت بيسرب على السيرفو 
و الحل بيبقى حاجة من الاثنين يا تغير جلدة الماستر اللى هى فى الحشو جوة 
او تغير الماستر العمومى كلة بس الافضل متخليش حد يضحك عليك و يقولك دة بتسرب زيت لازم تشترى ماستر عمومى جديد .. لف معاة والحكاية والرواية 
و هاتلوا سيرة الجلدة بطريقة غير مباشرة 
و اصلا الموضوع مش هياخد فى ايدة ربع ساعة بالفك والتركيب والتفريغ 
و لو قالك مفيش جلدة للماستر بتاعك خلية ياخد القديمة و يشوف اى واحدة على مقاسها
3 – الفرامل بتبقى واخدة هوا .. 
هتلاقى البدال خفيف معاك او تقيل على حسب كمية الهوا والحل تروح لحد يفكلك مسمار الهوا بتاع الفرامل بتاع كل عجلة 
و تكارك ليها عشان تخرج الهوا من السلك
4 – سوستة الفرامل ضعيفة 
دى اللى بتساعد على سرعة رجوع التيل و تخلية يفك من على الطنبورة من بعد ما تدوس فرامل 
يعنى لو بتشيل رجلك وحاسس ان العربية لسة فيها فرملة بسيطة 
يبقى السوستة ضعيفة ولازم تتغير
5 – العربية بتتحرك بالعافية على عكس العادة 
دة نتيجة انك طلعت بالعربية بس نسيت تنزل الهاند بريك على الأخر 
طب اية اللى بيحصل ؟ 
اللى هيحصل ان الفرامل واصلة مع العجل اللى ورا بسلك ووصلات بتشد فا بتلاقى العجل اللى ورا يعتبر مفرمل نسبيآ و دة بسيب انك نسيت تنزل الدراع
6 – فرامل اليد عندى ضعيفة 
روح لميكانيكى يعملها رجلاش
7 – طب أسباب أنى لما باجى افرمل العربية بتحدف يمين او شمال ؟
1 – دة بيبقى ترصيص و ضبط زوايا و حلها انك بتروح لبنزينة نضيفة يعملك الكلام دة بالكومبيوتر 
2 – او انك مش محتاج ضبط زوايا وترصيص 
و ماستر الفرامل اليمين فى مشكلة بيخلى العربية تحدف شمال 
او الماستر الشمال فى مشكلة يخلى العربية تحدف يمين 
و أيوة الاتجهات صح الماستر اليمين يخلى العربية تحدف شمال والعكس
8 – طب لو البدال عندى بتاع الفرامل بقى ناشف جدا ولازم اضغط بقوة علية عشان العربية تفرمل؟
دة بسبب ال Servo يا كبير ( سيرفو ) دة وظيفتة انة يخلى بدال الفرامل ناعم معاك والسيرفو دة هو اللى بيخلى البدال ينزل لحد الاخر كدة ويخلى الفرامل ناعمة لانة بياخد جزء من الهوا اللى داخل للموتور .. حلها ان السيرفو كلة يتغير بواحد استيراد او جديد.
9 – طب يعنى اية بستم الفرامل 
اية دة هى الفرامل ليها بساتم ؟ طبعا 
البستم بتاع الفرامل دة اللى بيزق التيل لما بتدوس على الفرامل عشان التيل يتحرك من مكانة ويمسك فى الطنبورة البستم بقى هو اللى بيفضل ضاغط على التيل عشان التيل يفضل ضاغط على الطنبورة والعربية بتقف 
احنا عربياتنا العادية فرامل 1 بستم العربيات الرياضية والغالية بتوصل ل 6 بستم 
10 – طب أنا عاوز احافظ على التيل .. بسيطة  ؟ 
1 – متعملش زى سواق الميكروباص فى ضربة الفرامل خليك حنين كدة  
2 – بلاش تجرى تجرى جامد و تدوس فرامل فجأة الا فى حالات الطوارئ بس 
3 – متخادش مطب و رجليك على الفرامل 
4 – مش لازم ديما عشان توقف العربية تستخدم الفرامل

شاهد أيضاً

8 طرق لتنظيف محرك سيارتك بطريقة صحيحة

يعتبر تنظيف محرك السيارة من أكثر الأمور الأساسية التى تشغل بال عدد كبير من السائقين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *