الإثنين , 23 يوليو 2018
الرئيسية / خد بالك / 11 خطوة هتخلى عربيتك وحش على الطريق

11 خطوة هتخلى عربيتك وحش على الطريق

ناس كتيرة أووووى بتشتكى من ضـعف سحب العربية وادائها بيـقل واستهلاك البنزين بيزيد ومفيش اداء .. 
اولا العربية منظومة كلها بتـعتمد علي البنزين والهوا عشان تديك الاداء المظبوط انت لو عندك خلل في حاجة من دول هتلاقي اداء العربية وحش ..
1 – أعمل اختبار رشاشات بـ 150 جنية لانك غالبا هتلاقي واحد مسدود او بيسيل بنزين زيادة وبالتالي الاداء هـيقل 
2 – كل الفلاتر اللي عندك هتبقي بنسبة كبيرة عاوزة تتـغير

3 – بوابة الهوا عاوزة تتـشال وتتنضف كويس وتتـكود من تاني 
4 – طلمبة البنزين ممكن تكون ابتدت تجيب اخرها و هتلاحظ دة في دوارة العربية 
5 – البوجيهات ابتدت تضعف و شرارتها تقل واترسب عليها كاربون كتير ودة برضة هتلاخظة في دوارة العربية

6 – حساس الشكمان يا كبير من العوامل الخفية اللي محدش بياخد بالة منها دة اللي بيتحكم في نسبة دخول الهوا مع البنزين لو في مشكلة هتلاقي العربية مش فايقة معاك لانها يا بترمي هوا زيادة يا بترمي هوا قليل وفي جميع الاحوال دة مش حلو للعربية 
7 – كل فترة حط تفويلة 95 وأحرق عليها شوية 
8 – زيت الموتور زي الدم في جسم الانسان لازم تحط اللزوجة اللي الشركة الام بتنصح بيها في كتالوج العربية

9 – ضغط الكاوتش لو مش مظبوط هيأثر في اداء واستهلاك العربية 
10 – سلك الريداتير مرتين في السنة ونضفة كويس عند حد متخصص ريداتيرات لانة دة هيحافظ علي دورة التبريد عندك والموتور سخونيتة هتقل وباللتالي هتحافظ علي الاداء

11 – اعمل كشف كومبيوتر كل 6 شهور عشان في عيوب مش بتظهر غير بالكشف وممكن العيب دة يأثر علي الاداء 
الـ 11 نقطة دول لو عملتهم اداء العربية هيختلف تماماً وعن تجربة 

شاهد أيضاً

الطريقة الصحيحة لقياس معدل الزيت فى سيارتك

يكمن سر الحياة للسيارة فى زيت المحرك حيث يمنحها القدرة على التحرك والعمل ونظراً للمكانة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *