الإثنين , سبتمبر 16 2019
الرئيسية / خد بالك / يعنى ايه العربية متلتة أو الموتور متلت

يعنى ايه العربية متلتة أو الموتور متلت

كل دا كلمات بنسمعها واحنا مش عارفين معناها خصوصا لما نكون مبتدئين فى عالم السيارات

خلينا نجاوب
يعنى اية الموتور “متلت” أو العربية “متلتة” ؟
العربية شغالة (دايره ) ب 3 بوجية بدلا من 4 بويجهات .
يعنى فيه بوجية قاطع (فاصل ) والسيارة شغالة على 3 سلندر بس مش 4
خلينا نقسم الموضوع الى جزئين
أعراض تتليت السيارة
اسباب تتليت السيارة – علاج تتليت السيارة
يعنى ايه العربية بتلت | معنى العربية متلته | بوجيه قاطع
نبداء باول قسم
إزاي أعرف إذا كانت السيارة مثلثة والا لأ ؟
– رعشه او رجه بعد تشغيل المحرك خصوصا والسياره بارده ممكن تلاحظها فى المراء الجانبية للسائق أو من دواسه البنزين او من الدريكسيون
– تحس ان السيارة عاوزة تبطل منك على المطالع والكبارى وفى التهدئه للمطبات وممكن تبطل منك على السرعات المنخفضة
– ضعف فى السحب تسارع السياره بطى جدا
فحص وتشخيص تتليت السيارة
اولا تحديد العطل
انزع كابلات البوجيهات بالترتيب من اليمن الى اليسار او العكس لاحظ اختلاف صوت المحرك واهتزار السيارة بعد عملية كل خلع وكل ما تخلع كابل وتسمع برجله الموتور او المحرك ركب الكابل تانى (دا سليم)
سوف تلاحظ عدم اختلاف الصوت والاهتزار عند خلع كابل من الاربعة وهو المطلوب (العطل او الخلل هنا)
مش حتحس بفرق ماهو كدا كدا مش شغال اصلا
انتبه عند خلع الاسلاك حاول تمسكها بفوته جافة علشان ممكن تتكهرب
ثانيا علاج تتليت السيارة
– نبداء بالاسباب البسيطة سلك البوجية مش راكب فى البوجية كويس او فى الموبينة
– تلف البوجية نتيجة استخدامه فترات طويلة او الى عيب تصنيع او بوجيه مش اصلى ينصح بتغير طقم بوجيهات كل 20 الف كيلو راجع كتيب السيارة .
– وجود زيت على شمعة البوجية ودا بيخلى البوجيه يفصل والعربية “متلتة”
– سلوك البوجيهات نفسها قديمة ومتهالكة او تعبانة ينصح بتغير الاسلاك كل 40 الف كيلوا راجع دليل المالك للسياره
-تلف الموبينه نفسها فيها خط قاطع

ببساطه انزع احدى طرف البوجيهات ولمسه فى جسم السيارة وهى تعمل سوف تلاحظ شرز كهربائى يجب ان تلاحظ الشرز فى 4 اسلاك طيب لو طالع من 3 بس جرب كابل سليم مع التالف لو مخرجش شرز العيب فى المبينه

شاهد أيضاً

قطع الغيار المقلدة .. خطر يهدد حياتك

تنتشر  قطع غيار السيارات غير الأصلية المزيفة فى الكثير من الاسواق العالمية والتى تمثل خطرا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *