الإثنين , سبتمبر 16 2019
الرئيسية / خد بالك / آهم النصائح لتقليل استهلاك الوقود

آهم النصائح لتقليل استهلاك الوقود

كتب: علي عبده

 

 

بعد زيادة اسعار الوقود كلنا بندور ازاي نقلل استهلاك البنزين ونقلل مصروف التنقل قد الامكان، الخطوات الجايه حنحاول نتكلم فيها علي اهم النقاط الي ممكن تساعد الناس في كده

 

  • اضبط الكاوتش صح عن مكان محترم يفضل في بنزينه او في توكيل كاوتش لان ٩٩٪ من بتوع الكاوتش المقاس بتاعهم بايظ و بيدي قريات غلط، عشان تعرف المقاس الصح ارجع للكتالوج بتاع عربيتك.
  • اختار الزيت المناسب لعربيتك حسب توصيات المصنعه، مفيش زيت اسمه ٥٠٠٠ و ١٠٠٠٠ الاف في زيت اللزوجة بتاعته مضبوطة للمحرك بتاعك و المصنع محددها لك.
  • اعمل صيانة في مكان متخصص حسب جدول الصيانه بقطع غيار اصليه، اتاكد ان البوجيهات سليمه و الفلاتر كويسه و حساسات العربية مظبوطه و بتدي قريات مظبوطة لان ده بياثر جدا علي استهلاك البنزين.
  • بلاش حرق علي الغيار سيب العربية تاخد سرعتها، سيب العربية تتسارع براحتها لان اكتر وقت العربية بتاكل فيه بنزين هو وقت الطلوع من الثبات و وقت الجري.
  • بلاش جري، كل ما سرعتك بتزيد مقومه الهواء بتزيد واستهلاك البنزين بيزيد ده غير خطورة السرعة.
  • بلاش تكيف اول ما تدور العربية او في الزحمة لو الجو مش حر او ماشي باليل و بلاش تفتح الازاز علي الاخر.
  • بلاش اوزان زيادة في العربية، شيل كل الحاجات الي في الشنطة ملهاش لازمه لان ده وزن زيادة
  • اختار وقود مناسب لعربيتك شوف الاوكتان المناسب لعربيتك واستخدمه سواء ٩٢ او ٩٥.
  • لو حركتك كلها في زحمه هات اسكوتر افضل مش حتدور علي ركنه ولا بنزين ولا تضيع وقت في الزحمة
  • لو تقدر تعمل مشاويرك من غير عربيه يا ريت حاول تستخدم المترو او أي موصله عامه مناسبه لمشوارك

 

شاهد أيضاً

قطع الغيار المقلدة .. خطر يهدد حياتك

تنتشر  قطع غيار السيارات غير الأصلية المزيفة فى الكثير من الاسواق العالمية والتى تمثل خطرا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *